اسلام آباد۔ 17مارچ (اے پی پی) سینیٹئِ پاننگانے کہ پاکستان بیت المال مریض آتا درمان و چوری تا شرحالی کن چندی ڈٹ آتیا کاریم کننگ ئِ۔ جمعہ نا دے ایوان بالا ٹی وقفہ سوج آتیٹی کابینہ ڈویژن نا کنڈآن سینیٹر روزی خان کاکڑ نا سوج انا نوشتہی ورندی ٹی پاننگاکہ انفرادی مالی امداد آن بیدس پاکستان تھیلی سیمیا سینٹر ، پاکستان سویٹ ہومز ، چائلڈ سپورٹ پروگرام و ایلو ڈٹ آتیا کاریم کننگ انگ ئِ۔ ایم ڈی بیت المال درمان کن دہ لکھ روپئی اسکان مالی کمک منظور کننگ نا مجاز ئِ و داڑآن بڑزانا کیس آتے منظوری کن وزیراعظم آ گدریفنگرہ۔ اوپارے کہ پاکستان بیت المال نا خذمت آتے راج انا نزور تپہ غاتا کمک نا بابت بایدے ستائِ کننگے۔
