اسلام آباد۔13مارچ (اے پی پی):سینیٹ پریزائیڈنگ آفیسر سید مظفر حسین شاہ ءَ اپوزیشن باسک آں زور پہ زور ءُ یکیں نمنونگ ءَ ووٹ آناں زیان کتگ، دُز آنی آ تراپ آنی توان پاکستان ڈیموکریٹک ممومنٹ ( پی ڈی ایم ) ءِ گس ءَ چہ در کپگ ءَ انت پمے ھاترا وتی ووٹ آنی دزئی ءِ پٹ ءُ پول ءَ وت بکن انت، کانود ءِ اند ءَ پارلیمانی کاروائی ءَ را اچ آمید گس ءَ چیلنج کنگ ءِ گنجاشک نیست انت۔ شمبے ءِ روچ ءَ جندی ٹی وی چینل ءَ گوں تران کنان ءَ آئی ءَ گوشت کہ سینیٹ چیئرمین گچین کاری ساپ ءُ سلہ ئی کنائینتگ انت بلے بد بھتی ءَ ملکی سیاست ءَ رواج ءِ جوڑ بوتگ کہ اگاں گچین کاری نتیجگ آوانی ھک ءَ بنت گڈا شر انت، اگاں ھلاپ بنت گڈا بھتام بند ءُ کائیءُ ھراب بنت۔ اپوزیشن ءِ اے گوشگ کہ پریزائیڈنگ اپسگ آں آوانی ووٹ آناں رد کتگ اے گپ ساپ ءَ ساپ غلط انت۔
