اسلام آباد۔ 17 مارچ (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی دیر و بجلی ڈویژن نا شونداری ڈٹ آتے کن جم وڑاٹ اسہ کھرب 18 ارب 18 کروڑ 60 لکھ 60 ہزار روپئی نا فنڈ جاری کننگانے۔ حکومت دا ڈویژن نا شونداری پروگرام تے کن اسہ کھرب 61ارب 71کروڑ 63لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نار داٹ حکومت دیامر بھاشا ڈیم انا ڈغار نا ہلنگ کن 9 ارب 67 کروڑ 60لکھ، 1200 میگاواٹ ایل این جی پاور پلانٹ بلوکی کن 30 ارب، حویلی بہادر شاہ ٹی 1200 میگاواٹ ایل این جی پاور پلانٹ کن 30 ارب، کوئٹہ ٹی 132 کے وی گریڈ اسٹیشن و ٹرانسمیشن لین کن 28 کروڑ ، جامشورو ٹی دراوٹ ڈیم اکن اسہ ارب، چکوال اٹی گبھیر ڈیم اکن 20 کروڑ، کچھی کینال پروجیکٹ کن اسہ ارب، پنجاب اٹی ایری گیشن چینل آتے کن 50 کروڑ ، سندھ اٹی پوسکن آ گج ڈیم اکن اسہ ارب 20 کروڑ، پشاور اٹی ورسک کینال سسٹم کن 63کروڑ روپئی تون اوار چندی شونداری ڈٹ آتے کن فنڈ جاری کرینے۔
