کراچی۔13مارچ (اے پی پی):صدرمملکت ڈاکٹرعارف علوی ءَ گوشت کہ انفارمیشن ٹیکنالوجی ءِ بدولت ءَ ملک دیمروئی ءِ کشک ءَ رھادگ انت، انفارمیشن ٹیکنالوجی ءِ پڑ ءَ پاکستانی کلانہ آں ٹوھیں نام ءِ جوڑ کتگ، وت جوڑیشیشتی ھیل کاری ءِ سبب ءَ پاکستان ءَ ترندی ءَ گوں دیروئی بوت کنت۔ ملک ءَ سائنسی دیمروئی ءِ دیمروئی سک باز المی انت۔ آ شمبے ءِ روچ ءَ ادا یونیورسٹی ءِ نام ءَ مٹ ءُ بدل کنگ ءِ مراگش ءَ گوں گشتانک دیان ءَ کت۔ اے یونیورسٹی ءِ نوکیں نام سلیم حسبیب یونیورسٹی ایر کنگ بوتگ۔ صدر مملکٹ ءَ وتی گشتانک ءَ گوشت کہ نبی آخر الزمان ءَ چاگرد ءِ بھر ءُ بانگ ءَ را ھلاس کتگ،توامیں نبی آنی وحدانیت ءِ اکس ءَ بگر تاں ، ریاست ءِ مدینہ ءَ اے لیکہ ءَ را نبی پاک ءَ چاگرد ءَ چہ لٹ ءُ پُل ءَ را ھلاس کتگ۔ آئی ءَ گوشت کہ ایوک ءَ دولت ءِ وسیلگ ءَ دگنیا ءَ دیمروئی بوت نہ کنت بلکینگ ءَ ایشی ءِ واستہ چاگرد ءِ ھمک تبک ءِ مردم آنی بھر زوری المی انت، دیمروئی کنوکیں ملک آناں اے لٹ ءُ پُل ءِ نظام ءَ را در کنگ ءِ واستہ بازیں سال لگ اتگ۔
