اسلام آباد۔ 17مارچ (اے پی پی) مچ آ ملک اٹی تعلیم نا بشخ ئِ گچین جوڑ کننگ کن داوخت اسکان 8 ارب 54کروڑ 87 لکھ روپئی آن زیات نا فنڈ جاری کرینے۔ پرائم منسٹر یوتھ و ہنر مند پروگرام نا رداٹ مچ آ ملک اٹی لیپ ٹاپ بشخ و پانٹ کننگ نا پروگرام کن 7 ارب 94 کروڑ 80 لکھ روپئی و فیڈرل ایجوکیشن و کسبی ٹریننگ ڈویژن کن اسہ ارب اسہ کروڑ 92لکھ روپئی آن زیات نا فنڈ جاری کننگانے۔ پلاننگ کمیشن نا ذرائع نا رداٹ اینخو مالی سال اٹی حکومت سرکاری بشخ انا شونداری پروگرام نا رداٹ چندی شونداری کاریم تے کن جم وڑاٹ 8 کھرب روپئی نا فنڈ جتا کرینے۔ ملک انا شونداری ٹی خواندگی بھاز اہمیت تخک ولے تعلیم آن بیدس شونداری مننگ کپک۔ وژن 2025 ءنا رداٹ تعلیم نا بشخ اکن حکومت خصوصی گام گیج کرینے۔ وزارت نا ذرائع پارے کہ وژن2025ءنا رداٹ ساڑی حکومت ملک آن ناخواندگی ئِ چٹفنگ کن ہروڑنا کوشست کننگ ئِ۔ پٹ وپول نا پوسکن ئُ پروجیکٹ جوڑ کننگانے۔ بنجائی و ایلو صوبائی حکومت آک خواندگی نا چرجوئی ٹی سنجیدہ ئُ و تینا وسیلہ غاتا اسہ چارک آن ہم زیات داڑآ خڑچ کننگ ئُ۔
