اسلام آباد۔ 12 مارچ (اے پی پی) پاک بحریہ نا سروک ایڈمرل محمد امجد خان نیازی متحدہ عرب امارات نا سرکاری دورہ ٹی چیف آف اسٹاف یواے ای آرمڈ فورسز و کمانڈر یو اے ای نیول فورسز تون جتا جتا اوڑدہی کرے ہرافتے ٹی تین پہ تینی است خواہی نا باندات و ہڑتوم آ کنڈآتا دفاعی کمکاری آ گپ وتران کننگا۔ ترجمان پاک بحریہ نا رداٹ نیول ہیڈکوارٹرز آ بننگ آ کمانڈر یواے ای نیول فورسز امیر البحر ءِ جم و جوش اٹ بخیرکرے ۔ داوخت آ امیر البحر ءِ روایتی وڑاٹ گارڈ آف آنر پیش کننگا۔ نیول چیف علاقائی سمندری رکھ اکن پاک بحریہ نا کڑد ءِ مون آ تخا۔ میزبان کمامدار ڈیہہ نا بحری سیکورٹی ءِ پک کننگ اٹ پاک بحریہ نا کوشست آتا ستا ءِ کرے۔ نیول چیف یواے ای نا چندی بحری تنصیب آتا ہم دورہ ءِ کرے۔ امیر البحر ءِ یواے ای بحریہ نا کاریم نا کچ و چندی بحری تنصیب آتا بابت آپریشنل حوال تننگا۔ نیول چیف نادا دورہ ہڑتوم آ ملک خاص وڑاٹ بحری فوج انا نیام اٹ تعلقداری تے پین مون آ دیک۔
