اسپیکر نا استیفہ نا خواست عمران خان صاحب نا عادت نا بشخ اسے
اسلام آباد۔ 17مارچ (اے پی پی) پاکستان مسلم لیگ (ن) نا راہشون طلال چوہدری پارینے کہ استیفہ نا خواست عمران خان صاحب نا عادت نا بشخ اسے، الیکشن کمیشن نا فیصلہ ئِ چیلنج کننگ نا کانودی حق تخنہ، پی ٹی آئی نا قسمت روڈ آتیا رُلنگ ئِ ۔ تدوک آ دے نجی ٹی وی تون ہیت وگپ اٹی اوپارے کہ عمران خان نا کنڈآن قومی اسمبلی نا اسپیکر نا استیفہ نا خواست خان صاحب نا عادت نا بشخ اسے ، او بے سو ب خواست کیک و ولدا تینٹ ہی اوفتیان مون ئِ ہڑسک۔ خان صاحب اسہ وار وزیراعظم محمد نواز شریف آن ہم گچین کاری تیٹی دھاندلی نا سنگین دوبہ غا استیفہ نا خواست کریسس و جاست وپاست آن پد معلوم مس کہ غٹ دوبہ غاک دروغ ئسر۔ طلا ل چوہدری الیکشن کمیشن نا فیصلہ نا بابت پارے کہ او سمجھک کہ اسپیکر قومی اسمبلی نا کنڈآن دائر ریفرنس ئِ میرٹ نا بنداو آ بنفنگ تو ، عمران خان و جہانگیر ترین تنکنیکی بنداو تیا استثنادوئی کرینو۔ اسہ سوج اسے نا ورندی ٹی اوپارے کہ نن فیصلہ ئِ چیلنج کننگ نا کانودی حق تخنہ، فیصلہ غاتیا اعتراض مننگ کیک ولے اعتراض آتا ہم بایدے دنگ اس مرے۔ گدرینگوک آ ہفتہ عمران خان الیکشن کمیشن ئِ کرینگ ترسا اودے مسلم لیگ (ن) نا پارٹی گونداکہ و داسہ فیصلہ حق اٹی بننگ آن پد الیکشن کمیشن اونا نظر اٹ جوان مسنے۔
