گورنر بلوچستان جسٹس (ریٹائرڈ) امان اللہ خان یاسین زئی تون وزیر اعظم نا خصوصی کمکار ماحولیاتی بدلی امین اسلم نا اوڑدہی

کوئٹہ۔ 12 مارچ (اے پی پی) گورنر بلوچستان جسٹس (ر) امان اللہ خان یاسین زئی تون وزیراعظم نا خصوصی کمکارماحولیاتی بدلی امین اسلم اوڑدہی کرے۔ اوڑدہی ٹی ڈیہہ ٹی موسمیاتی بدلی و پِر تا سوب آن دیر انا کوڑی، کشت وکشار و لائیو اسٹاک ءِ مروک آ نسخان تیا سرجم گپ وتران کننگا۔ داوخت آ گورنر بلوچستان امان اللہ یاسین زئی پارے کہ زرخیزی ٹی ودکی کننگ کن نیشنل پارک و نرسری تا کچ اٹ ودکی نا سخت گرج ءِ۔گورنر یاسین زئی مستی پارے کہ خور و غذائیت نا بابت حکومتی گام گیج آتیان بیدس ملکی و جہانی ادارہ غاتا کمک و راہشونی نا ہم سخت گرج ءِ۔ ہڑتوم آ راہشونک بنجا و صوبہ غاتا نیام اٹ خوشگوار تعلقداری تے برجاتخنگ و تین پہ تینی تعلقداری تے سوگو و محکم کننگ کن پین گام گیج کننگ آ امنا کریر۔