اسلام آباد۔ 12 مارچ (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ جان جوڑی آسراتی پروگرام اسہ بے مٹ ءُ پروگرام اسے، مچ آ پاکستان اٹی داتم اسکان کم و ود ہفدہ ملین خاہوت ءِ جان جوڑی انصاف کارڈ انا آسراتی رسینگوک ءِ، نیزگاری نا لکیر آن شیف رہینگوک آ بندغ آتے مفت درمان نا آسراتی فراوان کننگ ءِ، وزیراعظم نا سیاست اٹ بننگ آن مست ہیلتھ آ چکار ئس۔ داخیال آتا درشانی ءِ او تینا کماشی ٹی جان جوڑی آسراتی پروگرام نا دیوان اٹی گپ وتران کرسا کرے۔ دیوان اٹی بنجائی سیکرٹری جان جوڑی عامر اشرف خواجہ و سی ای او ہیلتھ کارڈ ئسک ہم ساڑی ئسر۔ خصوصی کمکار ڈاکٹر فیصل سلطان پارے کہ جان جوڑی آسراتی پروگرام اسہ بے مٹ ءُ پروگرام اسے ہرانا مسخت نیزگاری نا لکیر آن شیف رہینگوک آ بندغ آتے مفت درمان نا آسراتی فراوان کننگ ءِ۔ اوپارے کہ جان جوڑی آسراتی پروگرام نا دنگ ءِ مچ آ ملک اسکان تالان کرینن۔ وزیراعظم پاکستان نا سیاست اٹ بننگ آن مست ہم ہیلتھ آ چکار ئس۔ اوپارے کہ کارڈ تخوک آ نیزگارآتے ناجوڑی ٹی اختہ مننگ آ درمان کن تینا جیب آتا کنڈآ ہروئی تمپک۔ ناجوڑی تا خڑچ آتیان نیزگار ناجوڑ نیزگار مریک۔ ڈاکٹر فیصل سلطان پارے کہ یونیورسل ہیلتھ ءِ پک کننگ کن گچین گام گیج کننگ انگ ءِ۔ فاٹا تھر پارکر خیبرپختونخوا آزاد جموں و کشمیر اٹی غٹ شاری تے جان جوڑی نا آسراتی مفت فراوان کننگ انگ ءِ۔ مچ آ پاکستان اٹی داتم اسکان کم و ود ہفدہ ملین خاہوت ءِ جان جوڑی انصاف کارڈ انا آسراتی رسینگوک ءِ۔
