اسلام آباد۔ 12 مارچ (اے پی پی) مچ آ ملک اٹی تدوک آ 24 گھنٹہ ٹی کورونا دین آن 54 بندغ زوال کریر، اوکان پد مرک آتا جم کچ 13 ہزار 430 مس۔ پاکستان اٹی کوویڈ۔ 19 نا ایکٹیو کیس آتا کچ 18 ہزار 703 مس۔ نیشنل کمانڈ اینڈ آپریشن سینٹر نا تازہ حساب وکتاب نا رداٹ تدوک آ 24 گھنٹہ ٹی 2 ہزار 701 پوسکن ءُ کیس رپورٹ مس۔ مچ آ ملک اٹی داتم اسکان 94 لکھ 2 ہزار 639بندغ آتا ٹیسٹ ءِ کننگا، تدوک آ 24 گھنٹہ ٹی 41 ہزار 133 پوسکن ءُ ٹیسٹ کننگا، داتم اسکان 5 لکھ 68 ہزار 65 ناجوڑ دراخ جوڑ مسنو وخت اس کہ اسہ ہزار 709 ناجوڑ آتا حالیت نازرک ءِ۔ پاکستان اٹ کوویڈ۔ 19 آن اسہ دے اٹی 54 بندغ زوال کریر۔ کورونا نا دین آن داتم اسکان پنجاب اٹی 5 ہزار 698، سندھ اٹی 4 ہزار 452، خیبرپختونخواٹی 2 ہزار 138، اسلام آباد اٹی 520، بلوچستان اٹی 202، گلگت بلتستان اٹی 103 و آزاد کشمیر اٹی 317 ناجوڑ زوال کریر۔

متعلقہ مضامینمصنف کی طرف سے مزید