پاکستان اٹ کورونا دین انا پوسکن آ ریسہ بسنے، احتیاط کننگتو تو دا مچ آ ملک اٹ تالان مننگ کیک، ڈاکٹر فیصل سلطان

اسلام آباد۔ 12 مارچ (اے پی پی) وزیراعظم نا خصوصی کمکارقومی جان جوڑی ڈاکٹر فیصل سلطان پارینے کہ پاکستان اٹ کورونا دین انا پوسکن آ ریسہ بسنے، اگہ احتیاط کننگتو تو دا مچ آ ملک اٹ تالان مننگ کیک، داخیال آتا درشانی ءِ او جمعہ نادے آ تینا ویڈیو کلہو اسے ٹی کرے۔ خصوصی کمکار پارے کہ پاکستان اٹ پیدوار وڑاٹ کورونا دین انا اسہ پوسکن ءُ ریسہ اس بسنے و پنجاب نا بھلا شار کورونا دین انا مون اٹی ءِ ولے اگہ احتیاط کننگتو تو مچ آ پاکستان دا پوسکن آ ریسہ نا مون اٹ بننگ کیک۔ اوپارے کہ مچ آ دنیا ٹی کورونا دین نا پوسکن آ وڑ پترینگانے و دا پوسکن انگا وڑ بھاز ترندی اٹ تالان مریک۔، اوپارے کہ اگہ نن احتیاط کتون تو دا ریسہ مچ آ پاکستان اٹ بھاز بے وڑ تالان مننگ کیک۔ اوالس آن خواست کرے کہ حکومتی رکھی گام گیج آتیا سختی اٹ عمل کیر۔ اگہ رکھی گام گیج آتیا عمل کننگتو تو ننا ہیلتھ سسٹم آ ہم اثر انداز مننگ کیک۔اوگڑتی نا درشانی ءِ کرسا پارے کہ کورونا نا گڑاس وڑ بھاز زیات گڑیفوک ہم مننگ کیک۔ داڑآن تینے ہم بچفبو و تینا دوست آتے ہم بچفبو۔