اسلام آباد۔ 17مارچ (اے پی پی) سینیٹ ئِ پاننگانے کہ نیپرا ایکٹ نا رداٹ بجلی نا ٹیرف مقرر کننگک ، حکومت بجلی نا فراوانی آ سبسڈی فراوان کننگ ئِ۔ جمعہ نا دے ایوان بالا ٹی وقفہ سوج آتیٹی کابینہ ڈویژن نا کنڈآن سینیٹر روزی خان کاکڑ نا سوج انا نوشتہی ورندی ٹی پاننگانے کہ ہر ڈسکوز کن نیپرا جتا ٹیرف اس مقرر کیک ہراٹی ڈسٹری بیوشن مارجن ، لاسز و ایلو گڑاتے ہم مون آ تخنگک۔ ٹیرف مقرر کننگ نا وخت بشخ و پانٹ کار کمپنی دا حقیقت ئِ مون آ تخک کہ جتا درجہ غاتا صارف آتا گرج آک انت ئُ۔
