وزیراعلیٰ بلوچستان جام کمال خان نا بی اے پی و سیوتی جماعت آتا پوسکن گچین مروک آ سینیٹر آتے سوغند ہرفنگ آ مبارکباد

کوئٹہ۔ 12 مارچ (اے پی پی) وزیراعلیٰ بلوچستان جام کمال خان پارینے کہ گچین مروک سینیٹرآک بڑزکوایوان اٹ بلوچستان نا ویل آتے گچین وڑاٹ تالان کرسا صوبہ نا حق انا رکھ ءِ پک کیرہ۔ داخیال آتا درشانی ءِ او بی اے پی سیوتی جماعت آتا پوسکن گچین مروک آ سینیٹر آتے سوغند ہرفنگ آ مبارکبادی ترسا پارے کہ حکومتی سیوت نا سینیٹر آتیکن نیک است خواہی نا درشانیءِ کیوہ و اومیت ءِ کہ سینیٹر آک صوبہ نا شونداری و شونہالی کن کانود جوڑ کننگ نا عمل اٹ سفا انگا نیت اٹ کڑد ادا کیرہ، وزیراعلیٰ بلوچستان جام کمال خان پارے کہ بلوچستان آن گچین مروک آ سینیٹر آک بڑزکو ایوان اٹ بلوچستان نا ویل آتے گچین وڑاٹ تالان کرسا صوبہ نا حق انا رکھ ءِ پک کیرہ۔ وزیراعلیٰ بلوچستان پارے کہ نن پراومیت اُن کہ بلوچستان ءِ اسہ وار ولدا سینیٹ نا چیئرمین شپ انا موقع رسینگک ۔ پاکستان نا ہمو صوبہ غاک شونداری نا لحاظ اٹ پدی ءُ او صوبہ غاتیان ایوان اٹ باسک آتا پندار کننگ جوان ءُ ہیت اسے۔