ساڑی آ دور انا چیلنج آتون مون تننگ کن علم دوئی کننگ المی ءِ، ڈپٹی کمشنر شیرانی محمد رمضان پلال

کوئٹہ۔ 12 مارچ (اے پی پی) ڈپٹی کمشنر شیرانی محمد رمضان پلال پارینے کہ استاد آتا غیرحاضری ءِ اسُل سگپنہ، محکمہ تعلیم اٹ استاد آتا غیر حاضری ءِ اسُل سگنگ پننگک۔ ساڑی آ دور انا چیلنج آتون مون تننگ کن علم دوئی کننگ بھاز المی ءِ، قومک دنیا غا تعلیم نا زور آ حکمرانی کننگ ءُ، ساڑی صوبائی حکومت تعلیم نا بشخ انا بجٹ اٹ نمان ودکی کرینے، غیر حاضر استاد آتا برخلاف سخت محکمانہ کارروائی مریک۔ داخیال آتا درشانی ءِ او جمعہ نادے آ اناگت چندی اسکول آتا دورہ ءِ کننگ نا وخت آ گپ وتران کرسا کرے۔ ڈپٹی کمشنر شیرانی محمد رمضان پلال پارے کہ شیرانی ٹی تعلیمی بشخ آ پبی چکار کننگ انگ ءِ استاد آتا غیرحاضری ءِ اسُل سگپنہ ، استاد آتا غیرحاضری ءِ چیک کننگ کن مچ آ ضلع نا اسکول آتا اناگت دورہ ءِ کننگک۔ ڈپٹی کمشنر شیرانی محمد رمضان پلال گورنمنٹ پرائمری اسکول مغل کوٹ استاد آتا ساڑی مفننگ نا سوب آن اسکول ءِ بند خننگا گورنمنٹ پرائمری اسکول کزہ منان اٹی کل 5 استاد تعینات ءُ دافتیان 4 تینا ہیڈ ماسٹر آن بیدس ساڑی ئسر گورنمنٹ پرائمری اسکول کچھی نصیب اللہ خان نا استاد آتا ساڑی مفننگ نا سوب آن اسکول بند خننگا گورنمنٹ ہائی اسکول چچوہی ٹی کل 10 استاد تعینات ءُ داہرساحیرت مس کہ پنجاب آن مسٹ غیر مقامی استاد ساڑی ئسر و ایلوہفت ہندی استاد غیرحاضر ئسر، دافتا برخلاف کارروائی کننگک۔