یوم پاکستان ءِ پبی جم و جوش اٹ اڈتننگک، 23 مارچ یوم تجدید وفا نا دے ءِ دادے آ قرارداد پاکستان منظور مسوسس، پاکستان تحریک انصاف نا راہشون حمزہ خان ناصر

کوئٹہ۔ 12 مارچ (اے پی پی) پاکستان تحریک انصاف نا راہشون حمزہ خان ناصر پارینے کہ یوم پاکستان ءِ بھاز جم و جوش اٹ اڈتننگک، 23 مارچ یوم تجدید وفا نا دے ءِ دادے آ قرارداد پاکستان منظور مسوسس، یوم پاکستان نا وخت آ پاکستان تحریک انصاف نا کنڈآن کوئٹہ تون اوار مچ آ بلوچستان اٹی ریلی کشنگک۔ داہیت ءِ او جمعہ نادے آ تینا ہنکین آ یوم پاکستان نا پروگرام ءِ گڈیکو دروشم اس تننگ کن اڈ ہلوک آ دیوان آن تران کرسا پارے۔ حمزہ خان ناصر پارے کہ 23 مارچ 1940ء برصغیر نا تاریخ نا اسہ ہندن ءُ عظیم ءُ دے اسے ہرا غٹ پاکستانی تیکن گمرنا سوب ءِ ہرادے پاکستان نا قرارداد ءِ پیش کننگا ہراکہ مسلمانان ہند انا پاکستان ءِ دوئی کننگ نا کنڈآ جہد نا مزل نا نشان مس۔ اوپارے کہ 23 مارچ نادے تدبر قائد و فکر اقبال نا اسیجاڈیک ءِ دااسہ ہندن ءُ روشنا ءُ دے اس ئس ہرادے مسلمانان ہند تینا مزل نا تعینءِ کریر و بانی پاکستان قائد اعظم محمد علی جناح نا فہم و فراست، یخین محکم، سیاسی تدبر، و عملی جہد نا پورو مخ تفی و تائید ءِ کریر ہرامسلمان تے اسہ اقلیت اس آخا بلکن اسہ جتا ءُ قوم اس گوندا ہر اتینا اسہ یکتا ءُ شناخت اس تخرہ و ہرا داوڑنا اسہ آئین اسے ہم امنا کننگ کپسہ ہرا مسلمانان ہند انا حق اتون متصادم مرے دانا عملی نمونہ 1945ء نا گچین کاریک ءُ ہراٹی مسلمان تے پیدوار سیاسی سرسہبی دوئی مس۔ اوپارے کہ قرارداد پاکستان دنیا نا نقشہ غا اسہ جتا ءُ مسلم ریاست اسے نا جوڑ کننگ نا بنداو و داڑے آباد چندی قوم و اکائی تا حق انا تعین و رکھ انا ضمانت ایتک، 23 مارچ نا دے داعہد نا تجدید نا دے ہم ارے کہ نن تینا پاک وطن نا رکھ، سوگوی و شونداری کن ہروڑنا قربانی ایتنہ و دامسخت نا دوئی کننگ کن بحیثیت متحدقوم تینا غٹ تر لائخی تے کاریم اٹ اتینہ۔ اوپارے کہ پاکستان تحریک انصاف نا کنڈآن 23 مارچ آ کوئٹہ تون اوار مچ آ بلوچستان اٹی ریلی کشنگک، کارندہ غاک ریلی تیٹی پبی بشخ ہلسااوفتے سرسہب کیرہ۔