کراچی۔11مارچ (اے پی پی): صدر ءِ مملکت ڈاکٹر عارف علوی ءَ سرجمیں دگنیا ءِ مسلمان آنی دیمپانی ازم ءِ تہ ءَ گیشی ءَ ابید پگری ءُ سائبر ارش ءَ ھوار نوکیں جنگی ازم ءِ تہ ءَ گیشی ءِ واستہ زوتیں اھوال ءُ انٹیلی جنس ءِ رد ءَ کاروائی آنی بست ءُ بند ءِ سر ءَ زور پر داتگ۔
آئی ءَ گوشت کہ عراق ءَ امریکی دست مانجنی ءُ مقبوضہ جموں کشمیر ءَ بھارت ءِ نیمگ ءَ استیں رسانکی بندش آنی تران ءَ کنان ءَ گوشت کہ مسلمان آناں وتی اخلاقی شرپ ءَ را دیمروئی دیگ لوٹ ایت۔ ایش دگنیا ءَ سلامتی ءُ برجائی ءِ واستہ ھمینکاس المی انت۔ اے ھیالانی درشانی آئی ءَ پنچ شمبے ءِ روچ ءَ کراچی ءَ پی اے ایف ائیر وار کالج ءَ را انسٹی ٹیوٹ ءِ درجگ دیگ ءِ مراگش ءَ گوں تران کنان ءَ کت۔ جنوری 1959 ءَ اے سٹاف کالج ءَ را آ وھد ءِ صدر محمد ایوب خان ءَ بنگیج کتگ ات۔ صدر ڈاکٹر عارف علوی ءَ اے انسٹی ٹیوٹ ءِ اولی چانسلر انت، آئی ءَ جوانیں کزبی ھیل کاری ءُ وانگ ءُ زانگ ءِ گوما اخلاقیات ءِ ارزشت ءِ سر ءَ زور پر دات۔ ملک ءِ مھکمیں دیمپانی نظام ءَ را دل یکیمی جوڑ کنگ ءِ ھوالگ ءَ آئی ءَ پاکستان ءِ سلاھ بندیں ارد سرجمیں دگنیا ءَ دیمپانی شوبگ ءَ ھمک رنگیں چکاس ءَ دلجمی ءَ گوں سرجم ءُ برجم کنت۔ وائس ائیر مارشل عامر مسعود ءَ صدر ءِ مملکت ڈاکٹر عارف علوی ءَ را شیلڈ پیش کت وھدیکہ وائس ائیر مارشل ذوالفقار احمد قریشی ءَ صدر مملکت ءَ را انسٹی ٹیوٹ ءِ تاریخی ارزشت ، ایشی ءِ کرد ، دیمپانی ھیل کاری ءُ آیوکیں باندات ءِ منصوبگ آنی بابت ءَ سرپد کت۔
