اسلام آباد۔ 11 مارچ (اے پی پی) الیکشن کمیشن سینیٹ نا پوسکن گچین مروک آ باسک فیصل واوڈا نا استیفہ غان خورک مروک آ نشست این اے 249 کراچی آ ضمنی گچین کاری کن شیڈول جاری کرینے ہرانا رداٹ پولنگ 29 اپریل آ مریک۔ الیکشن کمیشن نا کنڈآن پنچ شنبے نادے آ جاری کروک آ شیڈول نا رداٹ ریٹرننگ آفیسر تون پندار کاغد آتے 13 آن 17 مارچ اسکان جمع کرفنگ مریک۔ بنائی فہرست ءِ 18 مارچ آ جاری کننگک، ریٹرننگ آفیسر نا کنڈآن اومیتدار آتا پندار کاغد آتا جاچ پڑتال 25 مارچ اسکان مریک۔ پندار کاغد آتا منظوریا مسترد کننگ نا برخلاف اپیل 29 مارچ اسکان وخت اس کہ اپیلٹ ٹربیونل نا کنڈآن دافتیا فیصلہ 6 اپریل آ کننگک۔ نظرثانی مروک فہرست ءِ ہندادے آ جاری کننگک۔ پندار کاغدآتے 7 اپریل آ پدی ہلنگ مریک۔ گچین کاری نشان ناالاٹمنٹ 8 اپریل آ مریک۔ پولنگ 29 اپریل آ مریک۔
