اسلام آباد۔ 11 مارچ (اے پی پی) بنجائی وزیر مواصلات مراد سعید پارینے کہ وزیراعظم عمران خان نا احساس پروگرام ساڑی حکومت نا غٹ آن بھلا پروگرام جوڑ مسنے۔ تینا اسہ ٹویٹ اسے ٹی مراد سعید پارے کہ مزوری کن بھلا شار تیٹی رہینگوک روڈ آتیا خاچوک آ شاری تیکن ریاست نا مہمان خانہ ہنکین، نیزگار زالبول آتیکن احساس ولشت، غذائی کاختی نا گواچی لمہ و چناتیکن احساس نشوونماو داسہ ’’اسٹ اس ہم لنگڑخاچپ‘‘ نا پن آ چندی گام گیج کننگانے۔ اوپارے کہ داغٹ گام گیج آتے اٹ وزیراعظم عمران خان نا احساس پروگرام داسہ ساڑی حکومت نا غٹ آن بھلا پروگرام جوڑ مسنے۔
