اسلام آباد۔ 11 مارچ (اے پی پی) وزیراعظم نا خصوصی کمکار نیزگار نا چٹفنگ و راجی رکھ ڈاکٹر ثانیہ نشتر پارینے کہ پاکستانی زالبول آک بھاز باصلاحیت ءُ وزند انا ہر بشخ اٹ مون آ ہننگ نا لائخی تخرہ ہنداخاطرآن ساڑی حکومت ملک انا شونداری ٹی زالبول آتا کڑد ءِ ودفنگ و اوفتا زرگزرانی حالیت ءِ جوان کننگ کن چندی گام گیج کننگ ءِ۔ داخیال آتا درشانی ءِ او اسلام آباد چیمبر آف کامرس اینڈ انڈسٹری آئی سی سی آئی ٹی زالبول آتا جہانی دے ءِ اڈتننگ نا دود آن بطور مہمان خاص تران کرساکرے۔ اوپارے کہ احساس پروگرام نا رداٹ زالبول آتے واکدار کننگ و اوفتا زند انا آب ءِ گچین کننگ کن بھاز انگا گام گیج کننگ انگ ءِ۔ اوپارے کہ احساس پروگرام نا 50 درسد آن زیات ایجنڈا پسماندہ زالبول آتا زند اٹی گچینی اتنگ آ چکار ءِ۔اوپارے کہ زالبول آتے واکدار کننگ آن راج و زرگزران کن فائدہ ئی ودی مریک، ہنداخاطرآن حکومت پاکستان اٹی 70 لکھ زالبول ءِ نیزگاری آن کشنگ کن سنبرینگوک ءِ۔
