اسلام آباد۔ 11 مارچ (اے پی پی) بنجائی وزیر قومی کُن و خور رکھ و پٹ وپول، سید فخر امام تون پاکستان اٹ سویلی افریقہ نا ہائی کمشنر ایم مدی کنیزا اوڑدہی کرے۔ پنچ شنبےنادے آ مروک آ اوڑدہی ٹی ہائی کمشنر سویلی افریقہ و پاکستان نا خڑکی تعلقداری تا بارواٹ گپ وتران کرے۔ غذائی رکھ انا بابت پاکستان ءِ مون تروک چیلنج آتے امنا کرسا، ہائی کمشنر فصل سائنس، تیکنیکی جدت طرازی و لائیو اسٹاک سائنس اٹ شریداری نا سلاہ پیش کرے۔ ہائی کمشنر سلاہ تسوسس کہ او سویلی افریقہ ٹی نمائش خلے تانکہ زرکارآتے خاص وڑاٹ امب و مالٹا نا فصل اٹ زرکاری کن چکنگ مرے۔ وزیر پروسیسڈ امب انا مصنوعات کون آ امب انا گودا و ڈی ہائیڈریٹڈ امب پاکستان آن سویلی افریقہ برآمد کننگ نا سلاہ تس۔ وزیر ہڑتوم آ ملک آتا نیام اٹ برآمد۔ درآمد تعلقداری تا سلاہ پیش کرے ہراتم پاکستان اٹ امب انا موسم مرے۔ سویلی افریقہ نا امب انا موسم مف۔ ہڑتوم آ شخصیت آک پاکستان اٹ سیل و سوات ءِ مون آدننگ نا گرج آ زور شاغار۔ اوڑدہی ٹی دا تین پہ تینی فیصلہ ءِ ہم کننگا کہ ہڑتوم آ ملک آتا نیام اٹ ایلو تعلقداری تیان بیدس گوازی تا بابت پاکستان و سویلی افریقہ نا تعلقداری تے سوگو کننگ مریک۔ وزیر پولکار پروگرام و طالب علم آتا ہن و بر پروگرام تا سلاہ پیش کرے۔
