اسلام آباد۔ 11 مارچ (اے پی پی) وزیراعظم نا خصوصی کمکار نیشنل ہیلتھ سروسز، ریگولیشنز اینڈ کوآرڈینیشن ڈاکٹر فیصل سلطان پارینے کہ حکومت کورونا دین آن بچفنگ کن عملیہ گام گیج آتے پک کننگ ءِ، کورونا ویکسینیشن نا ارٹ میکو ریسہ نا بناءِ کننگانے۔ پنچ شنبے نادے آ وزارت جان جوڑی آن جاری بیان نا رداٹ داخیال آتا درشانی ءِ او پاکستان انسٹیٹیوٹ آف میڈیکل سائنسز(پمز) پولی کلینک و سی ڈے اے ہسپتال نا دورہ غاتا وخت آ کرے۔ داوخت آ او ویکسینیشن سینٹر آ بزرگ شاری تیکن ویکسینیشن نا بست وبند آتا جاچ ءِ ہلک و ویکسین خلفوک آ بزرگ شاری تتون اوڑدہی و ویکسین نا فائدہ غاتا بارواٹ ہم ہیت کرے۔ اوپارے کہ کورونا ویکسینیشن نا ارٹ میکو ریسہ نا بناءِ کننگانے و داریسہ ٹی مچ آ ملک اٹی شست سال وداکان زیات وئی نا بندغ آتے ویکسین خلنگ انگ ءِ۔ اوپارے کہ فرنٹ لائن ہیلتھ ورکرآتیان پد شست سال آن زیات وئی نا بندغ آتیکن ویکسینیشن نا بنادہ مارچ آن مسنے۔ اوپارے کہ مخلوق نا بھلو کچ اسے ٹی ویکسین خلفنگ اٹ است خواہی ستاکڑزک۔ مخلوق نا است خواہی ءِ مون آ تخسا سینٹر آتا کچ و اسٹاف اٹ ودکی کننگ انگ ءِ۔ ڈاکٹر فیصل سلطان پارے کہ حکومت کورونا غان بچفنگ کن عملی گام گیج آتے پک کننگ ءِ۔ خصوصی کمکار الس آن خواست کرینے کہ حکومتی ایس او پی تیا عملدرآمد ءِ پک کے و کورونا غان بچفنگ کن ویکسینیشن ضرور کرفر۔
