اسلام آباد۔ 17 مارچ (اے پی پی) بنجائی وزیر پارلیمانی امور شیخ آفتاب احمد پارینے کہ حویلیاں نا خڑک جہاز انا شکست نا انکوائری رپورٹ پورومننگ تون ہی ایوان اٹی پیش کننگک۔ جمعہ نا دے ایوان بالا ٹی وقفہ سوج آتیٹی سینیٹر طلحہ محمود نا سوج انا ورندی ٹی اوایوان ئِ پارے کہ جہاز شکست اٹی سوار غٹ بندغ آک تپاخت کریسر۔ اوپارے کہ بلیک باکس آن ہی شکست نا اصل سوب آتا معلوم مننگ کیک۔ اوپارے کہ بدقسمتی اٹ ہراتم ننا داڑے شکست اس مریک تو فوراہوکاتا تالان مننگ نا بناءمریک داوڑ بایدے مف۔ اوپارے کہ پٹ وپولی کمیٹی کاریم کننگ ئِ ہندن ہی اونا رپورٹ پورو مریک نن ایوان اٹی پیش کینہ تے۔
