اسلام آباد۔ 11 مارچ (اے پی پی) بنجائی وزیر ہوابازی غلام سرور خان پارینے کہ پاکستان و مصر انا نیام اٹ دیرینہ تعلقداری ءِ و ننا دودوربیدگی تاریخی و اسلامی قدر آک مشترک ءُ، کراچی و قاہرہ نا نیام اٹ مصر انا قومی ایئرلائن نا جہاز آتا زوت بناءِ کننگک ہراڑآن ہڑتوم آ ملک آتیٹی واپاری و سیل و سواتی تعلقداری تیٹی پین ودکی مریک۔ چندی تکنیکی بشخ آتیٹی کمکاری نا گرج ءِ۔ وزارت ہوابازی ڈویژن نا کنڈآن پنچ شنبے نادے آ داڑے جاری پریس ریلیز نا رداٹ، داخیال آتا درشانی ءِ او پاکستان اٹ مصر انا سفیر طارق داہروغ تون اوڑدہی ٹی کرے ہراپنچ شنبے نادے آ داڑے بنجائی وزیر تون اوڑدہی کرے۔ ہڑتوم آ راہشونک چندی بشخ آتیٹی خاص وڑاٹ ہڑتوم آ ملک آتا نیام اٹ ہوابازی نا بشخ اٹ کمکاری ءِ مون آ دننگ آ امنا کریر۔ مصر انا سفیر بنجائی وزیر ءِ ہڑتوم آ ملک آتا نیام اٹ ہوابازی نا بشخ اٹ پیش رفت آن معلومدار کرے۔ بنجائی وزیر ہوابازی غلام سرور خان پارے کہ کراچی و قاہرہ نا نیام اٹ مصر انا قومی ایئرلائن نا جہاز آتا زوت بناءِ کننگ آ سجفنگ انگ ءِ ہراڑآن ہڑتوم آ ملک آتیٹی واپاری و سیل و سواتی تعلقداری تیٹی پین ودکی مریک۔ اوڑدہی ٹی بنجائی وزیر و مصر انا سفیر ہوابازی و اونا بابت چندی تکنیکی بشخ آتیٹی کمکاری آ زور شاغار۔ بنجائی وزیر پارے کہ پاکستان و مصر انا نیام اٹ دیرینہ تعلقداری ءِ و ننا دودوربیدگی تاریخی و اسلامی قدر آک مشترک ءُ۔ بنجائی وزیر کورونا دین انا جہانی دین اتون مون تننگ کن ہڑتوم آ ملک آتا نیام اٹ اسیجائی کمکاری ءِ پین سوگو کننگ نا گرج آ زور شاغا۔
