اسلام آباد۔11مارچ (اے پی پی):مزن وزیر عمران خان ءَ بلوچستان ءِ الس آنی زبھری آنی دور کنگ ءِ واستہ توامیں بنجاھی سیکرٹری آناں ھمک ماہ بلوچستان ءِ تر ءُ تاب کنگ ءِ حکم داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے رد ءَ مزن وزیر کارگس ءَ چہ یک شلی ءَ حکم نامہ جاڑی کنگ بوت۔ حکم نامہ ءِ رد ءَ صوبگ ءِ بلوچستان ءِ الس آنی استیں جیڈھ آنی گیواری ءِ واستہ توامیں بنجاھی وزارت آنی سیکرٹری آناں ھمک ماہ صوبگ ءِ تر ءُ تاب کنگ ءِ حکم دیگ بوتگ۔ حکم نامہ ءِ اندر ءَ گوشگ بوتگ کہ توامیں بنجاھی سیکرٹریز ھمک ماہ کم چہ کم یک رند ءِ صوبگ ءِ بلوچستان ءَ وت بروانت ءُ وتی وزارت، ڈویژن، محکمہ آں گوں سیادی داروکیں کار ءُ جیڈھ آناں اول سرئی بنیات ءَ گیوار بکن انت۔ توامیں بنجاھی سیکرٹری صاحب چیف سیکرٹری بلوچستان ءِ گوما یکجائی ءَ وزٹ پروگرام بست ءُ بند بکنت انت ءُ مزن وزیر کارگس ءَ را اے ھوالگ ءَ سئیگ ءُ سرپد کنگ بہ بیت۔ توامیں سیکرٹری صاحب آنی تر ءُ تاب ءَ چہ پد سرجمیں رپوٹ یک شلی ءَ مزن وزیر کارگس ءَ روان دینت۔
