اسلام آباد۔11مارچ (اے پی پی): مزن وزیر عمران خان ءَ گوشت کہ انصاف ءُ کانود ءِ پد ءُ رندی ءَ ابید ریاست آنی استی بوت نہ کنت۔ پنچ شمبے ءِ روچ ءَ وتی ٹویٹ ءَ مزن وزیر ءَ گوشت کہ مئے بنی کریم صلی اللہ علیہ وسلم ءَ گوشتگ کہ ترا چہ پیسر بازیں راج آناں تباہ بوتگ انت ایشانی تہ ءَ طاقتور ءِ واستہ یک کانود ے ءُ وھدیکہ ھمزور ءِ واستہ دومی کانود بوتگ۔ آئی ءَ گوشتگ کہ گواہ انت کہ ریاست اخلاقی پد منتگی ءُ لٹ ءُ پُل ءِ سبب ءَ تباہ بنت چیا کہ اخلاقی طاقت ءَ ابید اچ ریاست وتی شہری آناں انصاف پجاری کت نہ کنت۔ مزن وزیر ءَ گوشت کہ انصاف ءُ کانود ءِ پد ءُ رندی ءَ ابید ریاست آنی استی ءُ برجائی بوت نہ کنت۔ چیا کہ اگاں ریاست ءِ کرا اخلاقی ھاٹیگ مہ بیت گڈا آ طاقتور مجرم آں گوں یک ءِ دومیگ ءِ ڈنگی ءُ لچڈی آناں چادر پر دیگ ءُ دپ ءِ بند کنگ بیت۔ آئی ءَ گوشت کہ سینیٹ استیں گچین کاری اے سہرا کنگ کہ کجام نمونگ ءَ ما اخلاقی کشک ءَ چہ گسر بوتگ انت۔ مزنو زیر ءَ وتی ٹویٹ ءَ امریکا ءِ پیسریگیں چیف آف سٹاف جنرل ڈگلس میک آرتھر ءِ دانک آناں شئیر کتگ ایشی ءِ اندر ءَ آءی ءَ گوشتگ کہ راجدپتر ءَ ایشی ءِ درور نہ رس ایت ھما اندر ءَ اخلاقی رنگ ءَ جھل کپگ ءِ آماچ بوھوکیں راج سیاس ءُ اقتصادئ جھل کپگ ءِ آماچ مہ بیت۔ مزن وزیر ءَ پیسریگیں برطانوی جج پیٹرک آرتھ ڈیولن ءِ دانک ھم شیئر کت انت ایشی ءِ اندر ءَ آئی ءَ گوشتگ کہ چاگرد ءِ گہبود ءِ واستہ اخلاقی جواز ھم ھمینکیاس المی انت ھمینکیاس کہ جوانیں حکومت۔
