اسلام آباد۔ 10 مارچ (اے پی پی) پاکستان تحریک انصاف الیکشن کمیشن آن خواست کرینے کہ او کرپٹ پریکٹس آتیا یوسف رضاگیلانی ءِ نابود گوندسا الس ءِ اومیت نا پوسکن ءُ روشنائی اس نشان ایتے۔ چارشنبے نادے آ الیکشن کمیشن نا پیشن میڈیا تون گپ وتران کرسا فرخ حبیب، ملائیکہ بخاری، کنول شوزب و عالیہ حمزہ ئسک پاریر کہ پاکستان نا 22 کروڑ الس نا جمہوریت تون گنڈوک احساس و جوزہ غاتیکن نن کوشست کرین، دھرنا تسن ولے اسلام آباد اٹی کرپٹ پریکٹس و فلور کراسنگ ءِ توننگ متو۔ پیسہ غاتا منڈیک لگار، نن نا تارمئی ٹی وونٹ آتا زیان کننگ ناوڑوڈول آتے پاننگا۔ الیکشن کمیشن ءِ وونٹ انا دُزی ءِ توننگ کن وخت آ معلومدار کرین۔ سپریم کورٹ نا پیدوار پارت ئس کہ سینیٹ گیچن کاری تے ساف و شفاف کرفنگے ولے اوڑآ عمل مننگ کتو۔ نن ساف شفاف گچین کاری نا ضمانت تروک آ ادارہ غاتا مون آ غٹ شاہدی تے پیش کرینن۔ الیکشن کمیشن ءِ اونا آئینی زمواری تیان معلومدار کرینن۔ نن الیکشن کمیشن نا آئینی اختیار ءِ امنا کرینن۔ سینیٹ گچین کاری تیٹی پاکستان نا الس نا پت دُزی، ضمیر فروشی مس۔ یوسف رضاگیلانی نا مار آئین و کانود ءِ لتاڑاہنداخاطرآن اونا سرسہبی نا نوٹیفکیشن ءِ جاری کننگپ۔ الیکشن کمیشن ہرافیصلہ ءِ بنفک نن اونا شرف ءِ کینہ، ولے نن الیکشن کمیشن ءِ اونا آئینی زمواری تے یات کرفسا کینہ۔ کمیشن تون موقع ارے کہ او چھانگا مانگا و دُزی نا کسر ءِ تورے۔ دا پارلیمانی نا دھبہ اسے۔
