اسلام آباد۔ 10 مارچ (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر تون پاک فضائیہ نا سروک ایئر چیف مارشل مجاہد انور خان سپاروکی اوڑدہی کرے۔ چارشنبے نادے آ وزارت ڈٹ بندی آن جاری بیان نا رداٹ داوخت آ ایئرچیف نا شرف اٹ دود اس اڈتننگا ہراٹی بنجائی وزیر اسد عمر ایئرچیف مارشل مجاہد انور خان نا خذمت آتا ستاءِ کرے و آپریشن سوئفٹ ریٹارٹ نا بابت دستاویزی فلم اس ہُرا۔ اسد عمر ایئر چیف مارشل مجاہد انور خان ءِ یات گاری شیلڈ اس پیش کرے ہراڑآ ایئر چیف مارشل تینا سپورٹ تننگ و نیک است خواہی تیا وزیر ڈٹ بندی نا منت واری ءِ ہم ہرفے۔ داوخت آ ڈٹ بندی کمیشن نا باسک آک و سینئر آفیسر آک ہم ساڑی ئسر۔
