اسلام آباد۔ 10 مارچ (اے پی پی) بڑزکو ایوان اٹ سینیٹ نا قائمہ کمیٹی حوالکاری و شینکاری نا اِرارپورٹ پیش کننگا۔ چارشنبے نادے آ بڑزکو ایوان نا دیوان اٹی کمیٹی نا چیئرمین سینیٹر فیصل جاوید 3 مارچ 2020ء آ سینیٹر بہرہ مندتنگی نا کنڈآن پی ٹی وی ٹی تدوک آ سال اٹی بھرتی کروک آ بندغ آتا پن، عہدہ، گریڈ، تعلیمی قابلیت و ڈومیسائل نا ہند، اوفتا تنخواہ، الاؤنس و ایلو آسراتی تا بابت سینیٹر بہرہ مند تنگی نا کنڈآن ہریفوک آ سوج آ کمیٹی نا رپورٹ ءِ پیش کرے۔ سینیٹر فیصل جاوید بھارتی مواد نا پروڈکشن و براڈ کاسٹنگ آ پیمرانا پابندی آن پد ہم پاکستان اٹ بھارتی سپورٹس چینلز نانشریات نا بابت 18 ستمبر 2020ء آ سینیٹر مشاہد حسین سید نا کنڈآن چست کروک آ السی است خواہی نا ٹک آ کمیٹی نا رپورٹ ءِ ہم پیش کرے۔
