اسلام آباد۔ 10 مارچ (اے پی پی) وزیراعظم نا خصوصی کمکار نیشنل ہیلتھ سروسز، ریگولیشنز اینڈ کوآرڈینیشن ڈاکٹر فیصل سلطان پارینے کہ ملک اٹی کورونا دین انا کیس آتیٹی ودکی نا رداٹ سینما ہاؤس، ان ڈور برام و ریسٹورنٹ آتیٹی پابندی برقرار سلک، اسلام آباد اٹی دفترآتیٹی 50 درسد عملہ نا حاضری نا فیصلہ غاتیا ہم عملدرآمد برجاسلک، سیل وسواتی پارک آتے ہم شام انا 6 بجہ غا بند کننگک، مچ آ قوم آن خواست ءِ کہ اُراتیان پیشن ماسک آتے کاریم اٹ اتیر و کورونا ایس اوپی تیا سختی اٹ عملدرآمد کیر۔ داخیال آتا درشانی ءِ اوچارشنبے نادے آ نیشنل کمانڈ اینڈ آپریشن سینٹر اٹی دیوان آن پد بنجائی وزیر تعلیم و کسبی تربیت شفقت محمود تون اوار میڈیا حوال اٹی کرے۔ اوپارے کہ ملک اٹی کورونا دین انا کیس آتیٹی ودکی مننگ ءِ و ننا ہیلتھ سسٹم آ زور ودنگ ءِ ہرانا سوب آن گڑاس اہم ءُ فیصلہ کننگانے۔ اوپارے کہ پاکستان اٹی 60سال آن زیات عمر رسیدہ بندغ آتے کورونا ویکسین خلنگ نا عمل نا بناءِ کننگانے۔ اوپارے کہ مچ آ ملک اٹی شام انا 6 بجہ غا تفریحی پارک آتے بند کننگ نا فیصلہ کننگانے وخت اس کہ اسلام آباد اٹی دفترآتیٹی 50 درسد عملہ نا حاضری نا فیصلہ غاہم عملدرآمد برجاسلک۔ ڈاکٹر فیصل سلطان پارے کہ سینما ہال تے 15 مارچ آن ملنگ نا فیصلہ ءِ پدی ہلنگانے و ہوٹل آتا تہٹی کُن و خور آ ہم پابندی مریک وخت اس کہ شادی ہال تا بابت ہم پالیسی برقرار سلک۔ انتظامی ادارہ غاک سمارٹ لاک ڈاؤن آ عمل کیر۔ تدوک آ ہفتہ ٹی کیس آتیٹی ودکی مس، کورونا کیس آتا ودنگ نا سوب آن ہسپتال آتیا بھاریم ودک۔ اوپارے کہ تفریحی پارک آتے شام انا 6 بجہ غا بند کننگ نا فیصلہ کننگا۔ ڈاکٹر فیصل سلطان پارے کہ ماسک انا کاریم اٹ اتنگ آ پدریسہ زور شاغنگ اُن۔ ناجوڑی نا تالانی نا تناسب اٹ سمارٹ لاک ڈاؤن خلسا کینہ۔
