اسلام آباد۔ 10 مارچ (اے پی پی) چین پاکستان اقتصادی راہداری ڈٹ انا ارٹ میکو ریسہ نا رداٹ 2027اسکان 7 ارب 70 کروڑ ڈالر نا خڑچ آن 3ہزار 428 میگاواٹ پن بجلی قومی گریڈ اٹی اوار مریک۔ سی پیک اتھارٹی نا کمامدارآک ’’اے پی پی‘‘ ءِ پاریر کہ 4 پن بجلی ڈٹ آتیان اولیکو ڈٹ اسہ ارب 70 کروڑ ڈالر نا خڑچ آن تفوک آ کروٹ ہائیڈرو پاور پروجیکٹ آن 720 میگاواٹ اڑزآن بجلی 2021 قومی گریڈ اٹ اوار مریک۔ ارٹ میکو ڈٹ 2 ارب ڈالر نا خڑچ آن تفوک آ سکھی کناری ہائیڈرو پاورپروجیکٹ آن 884 میگاواٹ بجلی 2022ء ٹی قومی گریڈ اٹی اوار مریک۔ مسٹ میکو ڈٹ اسہ ارب 50 کروڑ ڈالر نا خڑچ آن تفوک آ آزاد پتن ہائیڈرو پاور پروجیکٹ آن 700 مگاواٹ بجلی 2026ء ٹی قومی گریڈ اٹی اوار مریک۔ چارمیکو ڈٹ 2 ارب 50 کروڑ ڈالر نا خڑچ آن کوہالہ ہائیڈرو پاور پروجیکٹ آن 1124 میگاواٹ بجلی 2027ء ٹی قومی گریڈ اٹی اوار مریک۔ دا ڈٹ آتا پوروی آن اڑزآن پن بجلی میسر مریک۔ کمامدارآک پاریر کہ سی پیک نئے بیرہ ملک ءِ بجلی نا گرج آتے پورو کننگ اٹ کمک فراوان کننگ ءِ بلکن توانائی نا خواست و رسینگ ءِ بریبر کننگ و درآمدی ایندھن آ سیبو ءِ کم کننگ اٹ ہم کمک کننگ ءِ۔
