اسلام آباد۔ 10 مارچ (اے پی پی) بیجنگ نا ڈاؤئٹائی اسٹیٹ گیسٹ ہاؤس اٹ پاک چین سنگتی نا 70 می سال دے انا رداٹ یات گاری نمائش اس اڈتننگا۔ دانا بست وبند ءِ چینی وزارت خارجہ نا کنڈآن کننگاسس و داٹی 21 مئی 1951ء آن بناکروک آ پاک چین ہڑتوم آ کنڈآتا اسٹریٹجک سنگتی نا چندی دور، سی پیک توانائی و انفراسٹرکچر پروجیکٹس، پورٹ بلڈنگ پروجیکٹ و پاکستان نا زیبا انگا سیل و سواتی ہند آتیا مبنی 46 عکس نمائش کن پیش کننگاسس۔ چین نا ریاستی قونصلر و وزیر خارجہ وانگ یی و چین اٹ تعینات پاکستان نا سفیر معین الحق اتون اوار ایلو عہدیدارآک دانمائش نا دورہ ءِ کریر۔
