کوئٹہ۔ 10 مارچ (اے پی پی) پاکستان کوسٹ گارڈ انا اسمگلنگ نا برخلاف چندی کارروائی کرسا بھلو کچ اسے آ منشیات دوئی کرسا 9 بندغ ءِ دزگیر کرے۔ ترجمان کوسٹ گارڈ انا رداٹ چارشنبے نادے آ پاکستان کوسٹ گارڈ بلوچستان نا علاقہ گوادر شار انا خڑک نیلیٹ نا مشی آ علقہ غاتیٹی غیر کانودی وڑاٹ اودیم کروک 1010 کلوگرام بڑزکو کوالٹی نا چرس دوئی کرے۔ وخت اس کہ بلوچستان نا علاقہ اوتھل موبائل گشت انا وخت آ ٹرک آن 6800 لیٹر ایرانی ڈیزل دوئی کرسا 02 بندغ ءِ دزگیرکرے۔ ترجمان کوسٹ گارڈ انا رداٹ ناکہ کھاری چیک پوسٹ مسافر کوچ اسے ٹی سوار مسافر اسےنا بیگ آن 9.50 کلوگرام چرسد دوئی اسمگلر ءِ دزگیر کرے۔ ترجمان کوسٹ گارڈ انا رداٹ ناکہ کھاری مزدا ٹرک اسے آن 14 ہزار لیٹر ایرانی ڈیزل دوئی 2 بندغ ءِ دزگیر۔ ترجمان کوسٹ گارڈ انا رداٹ ڈام انا علاقہ غان غیر کانودی وڑاٹ اودیم کروک آ 64200 لیٹر ایرانی ڈیزل دوئی کرے وخت اس کہ بلوچستان نا علاقہ ناکہ کھاری چیک پوسٹ آ گاڈی تا پٹنگ نا وخت آ 3597 کلوگرام چھالیہ، 2593کلوگرام درملکی پچ دوئی کرسا اسمگلر ءِ دزگیر کرے۔ ترجمان کوسٹ گارڈ بلوچستان نا علاقہ پسنی ٹی شادی کور ندی ٹی گشت انا وخت آ تیل انا ٹینکی اسے آن 17 ہزار و ڈغار اٹ اودیم کروک 25 ہزار لیٹر ایرانی ڈیزل دوئی کرے۔ ترجمان کوسٹ گارڈ انا رداٹ بلوچستان نا علاقہ گوادر نا خڑک پاک ایران بارڈر آن 04 پردیسی ءِ دزگیر کرے، ترجمان نا رداٹ کراچی سپر ہائی وے آن چیکنگ اٹی ٹرک آتیان 16500 لیٹر ایرانی ڈیزل دوئی کرسا 3 بندغ ءِ دزگیرکرے۔
