اسلام آباد۔ 09 مارچ (اے پی پی) صدر مملکت ڈاکٹر عارف علوی پارینے کہ حکومت اقلیت آتا حق انا و اوفتا عبادت گاہ تا رکھ اکن گام گیج کننگ اٹی ءِ۔ داخیال آتا درشانی ءِ او سے شنبے نادے آ قومی اقلیتی کمیشن نا چیئرمین چیلارام کیولانی نا کماشی ٹی ڈل اتون گپ وتران کرسا کرے۔ صدر مملکت ڈاکٹر عارف علوی پارے کہ آئین پاکستان اقلیت آتے بے پرخ حق فراوان کیک۔ حکومت اقلیت آتے بریبر حق و شونداری نا اسہ وڑ وارخواہی فراوان کننگ ءِ، اوپارے کہ اقلیتی برادری نا مندر، گردوار و ایلو مذہبی ہند آتا رکھ اکن گام گیج کننگ ءِ، ڈل انا باسک آک کمیشن نا ٹہیفنگ آ حکومت نا منت واری ءِ ہرفیر۔
