اسلام آباد۔ 09 مارچ (اے پی پی) اسپیکر قومی اسمبلی اسد قیصر پارینے کہ وزیراعظم نا قومی اسمبلی آن پت انا وونٹ ہلنگ نا وخت آ اگہ کس اس پک کے کہ باسک آتا کچ 178 آن کم ئس تو عہدہ ءِ اِلیوہ، پریس گیلری پارلیمنٹ نا بشخ ءِ، صحافی تا تینا فرض ءِ سرتننگ کن ہروڑنا آسراتی تا فراوانی ءِ پک کینہ۔ داخیال آتا درشانی ءِ او سے شنبے نادے آ پارلیمنٹ ہاؤس اٹ چیئرمین سینیٹ صادق سنجرانی تون اوار میڈیا سینٹر نا بناءِ کننگ نا وخت آ کرے۔ داوخت آ پارلیمانی رپورٹرز ایسوسی ایشن ناعہدیدار آتون اوار ایلو شخصیت آک ہم ساڑی ئسر۔ میڈیا سینٹر اٹ رپورٹرز و کیمرہ مین تیکن چندی آسراتی فراوان کننگانے۔ داوخت آ اسپیکر قومی اسمبلی اسد قیصر پارے کہ پریس گیلری پارلیمنٹ نا بشخ ءِ ہنداخاطرآن صحافی تیکن آسراتی نا فراوانی و آجوئی درشانی کن ہروڑنا کوشست کینہ۔ وزیراعظم نا قومی اسمبلی آن پد انا درشانی ءِ کننگ نا وونٹ انا بابت اسہ سوج اسے نا ورندی ٹی اوپارے کہ مچ آ میڈیا ساڑی ئس ہراسٹ خنا فیصل واوڈا و کنے کشسا 178 باسک ساڑی ئسر۔ اوپارے کہ اگہ کس اس ریکارڈ تون پک کے کہ باسک آتا کچ 178 آن کم ئس تو عہدہ ءِ اِلیوہ۔
