اسلام آباد۔ 09 مارچ (اے پی پی) چیئرمین سینیٹ محمد صادق سنجرانی پارینے کہ سینیٹ نا چیئرمین کن مخالف آتیا ہم وونٹ خواہنگ کن کاوہ، ہرا گچین کاری تیٹی بشخ ہلیک او پراعمتاد مریک، مقابلہ سخت ءِ ولے اللہ خیر کیک۔ داخیال آتا درشانی ءِ او سے شنبے نادے آ پارلیمنٹ ہاؤس اٹ اسپیکر قومی اسمبلی اسد قیصر تون اوار میڈیا سینٹر نا بناءِ کننگ نا وخت آ کرے۔ داوخت آ چیئرمین سینیٹ محمد صادق سنجرانی پارے کہ سینیٹ گچین کاری کن یوسف رضاگیلانی آ وونٹ خواہنگ کن ہِننگ کیوہ تو ولدا غٹ آ ہِننگ کیوہ۔ میڈیا پارلیمنٹ نا بشخ ءِ ہنداخاطرآن اونا گرج آتا خیالءِ تخنہ۔ اسہ وار ولدا چیئرمین سینیٹ نا گچین کاری تیٹی بشخ ہلنگ نا بارواٹ اسہ سوج اسے نا ورندی ٹی اوپارے کہ ہراگچین کاری تیٹی بشخ ہلیک او پراعتماد مریک۔ اوپارے کہ مقابلہ تو سخت ءِ، اللہ خیر کیک۔ اوپارے کہ ننا مسخت پارلیمنٹ ءِ سوگو و بالادست کننگ ءِ، ہرکس کہ کٹے جمہوریت بایدے سوگو مرے۔ ای تینکن وونٹ خواہنگ کن ہر اسٹ آ ہِننگ کیوہ، کس اسے تون ذاتی اختلاف اف، غٹ اواری اٹ مون آ کانہ۔
