اسلام آباد۔ 09 مارچ (اے پی پی) بنجائی وزیر حوالکاری و شینکاری سینیٹر شبلی فراز پارینے کہ بلاول بھٹو و مریم نواز ہڑتوم آک اوار جمہوریت آن جوان ءُ بیر اس ہلنگ ءُ، پیسہ اٹ مخلوق نا ضمیر ءِ ہلنگ نا کوشست کیرہ و ولدا جمہوریت نا پد اٹ تینے ڈکرہ۔ سے شنبے نادے آ تینا ٹویٹ اٹی اوپارے کہ پارٹی تیا کوزہ گیر مروک آک داخہ اہل و لائخ مسرہ تو کارندہ نا وڑاٹ پارٹی ٹی بسرہ۔ میراتی سیاست کروک آک تینا چناتے قوم آ مسلط کننگ اٹ لگوک ءُ۔ اوپارے کہ الس اوفتا پوسکن آ درواٹ بفک، داخوارہ کہ لٹ و پل نا دا کاروبار ہنداوڑ برجاسلے۔ قوم ءِ فیصلہ کروئی ءِ کہ کرپشن نا دافرنچائز ءِ چٹفوئی ءِ یا اوفتے لٹ وپل نا لسین تننگ ءِ۔ بنجائی وزیر حوالکاری پارے کہ محمد نواز شریف اگہ وونٹ انا شرف آ باور کریکہ تو پاکستان اٹی مسکہ، مولانا فضل الرحمان تینا برخوردار نور چشمی ءِ تینا گدی کن تیار کننگ اٹی ءِ۔ اوپارے کہ وزیراعظم عمران خان قوم ءِ پُلنگ و میراتی سیاست کروک آتا کسرنا غٹ آن بھلا دیوال جوڑ مسنے۔
