اسلام آباد۔ 09 مارچ (اے پی پی) پاکستان تحریک انصاف نا راہشونک پارینو کہ الیکشن کمیشن تون داخہ اختیار ارے کہ او سینیٹ نا گچین کاری تیٹی کرپٹ پریکٹس نا تینٹ نوٹس ءِ ہلے، یوسف رضاگیلانی نا نوٹیفکیشن ءِ توننگے۔ سے شنبے نادے آ الیکشن کمیشن نا پیشن میڈیا تون گپ وتران کرسا پارلیمانی سیکرٹری فرخ حبیب، کنول شوذب و ملائیکہ بخاری ئسک پارینو کہ اپوزیشن ٹی وی چینل آتیا وونٹ ہلنگ نا اعتراف کرے۔ علی حیدر گیلانی اعتراف کرے، انت داوڑ گچین مروک آ سینیٹر صادق و امین ءِ، اونا گچین کاری ءِ کالعدم گوندنگے، نن قوم انا مون آ داوڑنا بندغ آتے بے نقاب کننگ نا تینا کوشست آتے برجاتخنہ۔ اومیت ءِ کہ الیکشن کمیشن تینا آئینی کڑد ءِ پورو ادا کیک۔ اوفک پاریر کہ آئین، کانود نا بالادستی مرے۔ آئینی ادارہ غاک مہالو ہم تینا زمواری تے پورو کرینو۔ اوفک پاریر کہ پاکستان نا داکرپٹ نظام ءِ ننے سہی کروئی ءِ اپوزیشن والاک میثاق جمہوریت کرسا نرار اگہ عمران خان نا سلاہ غان اوپن بیلٹ مسکہ تو داحالیت متوکہ۔ اسہ سوج اسے نا ورندی ٹی فرخ حبیب پارے کہ اپوزیشن ءِ خراب عادت 1985 آن مسنے، دا اسامہ بن لادن آن پیسہ ہلسا کریر۔ او پارے کہ نن کانود نا رداٹ تینا دلیل آتے پیش کینہ۔
