اسلام آباد۔ 8 مارچ(اے پی پی) ): شالیمار گراؤنڈ ءُ ایف 9 پارک اسلام آباد ءَ سے روچگیں فیسیٹول ‘اسلام آباد ٹورازم فیسٹیول’ ءِ نیمگ ءَ برجم دارگ بوت۔ اے سے روچی فیسٹیول ءَ گللگت بلتستان ءُ آزاد جموں کشمیر ءَ ہوار چاریں صوبہ آنی پویلین ہم سمبائینگ بوتگ اَنت۔ مراگش ءِ گڑی روچ ءَ 7مارچ یکشمبے ءِ روچءَ بلوچستان ءِ پویلین ءَ سربوت۔ بلوچستان عوامی پارٹی ءِ باسک مینا مجید ءَ بلوچستان ءِ نمائندگی کنا ن ءَ آئی ءَ را وش اَتک کت ءُ آئی ءَ را کتاب پیش کُت۔ گوں اے پی پی ءَ ھیال ءُ لیکہ ءِ درشانی کنانءَ بانک مینا مجید ءَ گشت کہ مئے دود ءُ ربیدگ مئے پجار اِنت ءُ کتاب مئے دوست ءُ سنگت اَنت۔ آئی ءَ گشت کتاب بنی آدم ءِ راستیں ہمراہ ءُ سنگت اِنت ، بلے انوگیں وہد ءَ مئے تہا وانگ ءِ ھدوناکی کم بوتگ ۔ مارا لوٹ ایت کہ وتی زھگاناں چہ کسانی ءَ کتاب وانگ ءِ عادت ء َ مان بہ کن اَنت۔ پہ کتاب ءِ پیش کنگءَ بلوچستان حکومت ءِ جارچین لیاقت شہوانی ءَ بانک مینا مجید ءِ شکر ءُ منت گپتگ ءُ آئی ءِ کتاب دوستی ءَ را ساڑاتگ۔
