اسلام آباد۔8مارچ (اے پی پی): سے روچگیں میڑا ‘ اسلام آباد ٹورزم فیسٹیول ‘ یک شمبے ءِ روچءَ آسر بوت۔ اے فیسٹیول ءَ ایڈوینچر ٹورازم سیمینار ءَ بنجاہی وزیر عمر ایوب خان، مزن وزیر ءِ حاسیں کمک کار اوورسیز پاکستانیز اینڈ ہیومن ریسورس ڈویلپمنٹ سید ذوالفقار عباس بخاری، راجہ ناصر علی، گلگت بلتستان ءِ دود ءُ ربیدگی ءُ آزاد جموں و کشمیر ءِ سئیل ءُ سواد ءِ سیکرٹری ( اے جے کے) ہوار بوتگ۔ اے سے روچگیں فیسٹیول ءَ شالیمار گراؤنڈ ءُ ایف 9 پارک ءَ فیلڈ مارشل پیراگلائڈنگ چیمپین شپ ءِ ردءَ پیرا گلائڈنگ ، ایکوریسی لینڈنگ ، ونگ سویٹ فلائنگ ، ٹرائک فلائنگ ، اسکائی ڈائیونگ ءُ پاور پیرا گلائڈنگ وڑیں ایئر شوز ، ایڈونچر اسپورٹس برجم دارگ بوتگ ۔ اے مراگش ءَ پاکستان ہینگ گلائنگءُ پیراگلائڈنگ ایسوسی ایشن (پی ایچ جی ایچ پی) ، کٹنگ ایج گروپ ءَ نیشنل ٹورزم کوآرڈینیشن بورڈ (این ٹی سی بی) ءِ کمک ءَ چہ میگا فیسٹیول ءَ ونٹیج کار ءُ موٹرسائیکل روڈ شوز، ہارس پریڈ، ٹینٹ پیگنگ ، کارپوریٹ اینڈ ایجوکیشنل ایکسپوز ، فوڈ کورٹ ءُ ساز ءُ زیمل ہوار بوتگ اَنت۔ اے سے روچی فیسٹیول ءَ گللگت بلتستان ءُ آزاد جموں کشمیر ءَ ہوار چاریں صوبہ آنی پویلین ہم سمبائینگ بوتگ اَنت۔ بلوچستان پویلین ءَ بلوچستان ءِ دود ءُ ربیدگ پیش دارگ بوتگ ءُ بلوچی گدان سمبائنگ بوتگ۔ بلوچستان پویلین ءَ بلوچی سازءُ زیمل، بلوچی گدان ، بلوچی سجی اور ایندگہ دود ءُ ربیدگی چیز پیش دارگ بوتگ اَنت۔ بلوچستان پویلین ءَ ہوار چہ بلوچستان ءَ ہوار بوتگیں بلوچستان عوامی پارٹی ءِ سیاسی راہشون بانک مینا مجید ءَ درستیں مہماناں وش اَتک کتگءُ بلوچی دود ءُ ربیدگ ءِ بابت ءَ سرپدی داتگ۔ آئی ءَ مزن وزیر عمران خان ءِ شکرءُ منت گپتگ ءُ گشتگ کہ اسلام آباد ایف 9 پارک ءَ منی بلوچستان جوڑ کنگ ءَ ما مزن وزیر عمران خان ءَ را چہ دل ءِجہلانک ءَ منت وار گشاں۔ آئی ءَ گوں اےپی پی ءَتران کتگ ءُ گشتگ کہ بلوچانی دود ءُ ربیدگ درستیں دنیاءَ نام دار اِنت ءُ اے وڑیں مراگش ءِ ہڈ کنگءَ پاکستان ءِ ایندگہ راج یکے دومی ءِ دودءُ ربیدگاں سرپد بنت۔آئی ءَ گشتگ کہ بلوچ وتی نمائندگی ءَ وت بہ کن اَنت ءُ وتی دود ءُ ربیدگءَ را دنیا ءَ پیش بدار اَنت۔ ایشی ءَ ابید بلوچستان حکومت ءِ جارچین لیاقت شہوانی بلوچستان پویلین ءَ سربوتگ کہ بانک مینا مجید ءَ آئی ءَ را وش اَتک کتگ ۔ جارچین لیاقت شہوانی ءَ بلوچستان پویلین ءِ جوڑ کتگیں اسٹالانی چارءُ تپاسی کتگ ءُ بانک مینا مجید ءِ اے بابت ءَ چست کتگیں گامگیج ساڑاتگ اَنت۔
