اسلام آباد۔ 08 مارچ (اے پی پی) وزیراعظم نا خصوصی کمکار تخفیف نیزگاری و راجی رکھ ڈاکٹر ثانیہ نشتر پارینے کہ احساس کفالت پروگرام سد درسد زالبول آتیکن ءِ ہراڑآن 70 لکھ زالبول فائدہ ہرفرہ۔ داخیال آتا درشانی ءِ او دوشنبے نادے آ زالبول آتا جہانی دے انا وخت آ ایف اے او نا کنڈآن اڈ ہلوک آ ویبنار آن تران کرسا کرے۔ ویبنار نا سرحال کورونا دین انا رداٹ گچین آخبت کن زالبول آتا بریبر قائدانہ کڑد ئس۔ ڈاکٹر ثانیہ نشتر دنیا نا گچین آخبت کن زالبول آتا بریبر بشخ ہلنگ آ زور شاغسا پارے کہ احساس نا 50 درسد آسراتی زالبول آتیکن ءِ، احساس کفالت پروگرام سد درسد زالبول آتیکن ءِ ہراڑآن 70 لکھ زالبول فائدہ ہرفرہ، احساس نا پروگرام نا اساس خاص وڑاٹ زالبول آتا راجی آسراتی ءِ۔ اوپارے کہ زرگزران و راج انا مون آ دننگ کن صنفی مساوات المی ءِ، کورونا کون آ مرض ءِ شکست تننگ اٹ زالبول آتا کوشست ءِ امنا کننگانے، کورونا دین اٹی احساس ایمرجنسی کیش انا مدت اٹ حقدار خاہوت آتا کمک ءِ کننگا۔
