اسلام آباد۔ 08 مارچ (اے پی پی) پارلیمانی کشمیر کمیٹی نا چیئرمین شہریارآفریدی پارینے کہ مقبوضہ کشمیر اٹی کشمیری زالبول آک تینا اُراتیٹی رکھوک افس۔ بھارتی کوزہ گیر فوج مقبوضہ کشمیر اٹی جہد آجوئی آن کشمیری تا عزم ءِ بدل کننگ کن عصمت دری ءِ بطور سلہہ کاریم اٹ اتنگ ءِ۔ دوشنبے نادے آ زالبول آتا جہانی دے انا وخت آ تینا کلہو اٹی اوپارے کہ کشمیری زالبول آک بھارت نا غیر کانودی کوزہ ٹی کشمیر اٹی مزاحمت نا حقی دروشم ءُ۔ او نیمہ جنوزان، جنوزان، عصمت دری نا گواچی زالبول، لمہ، ایڑھ و طالب علم آک دانا گواچی ءُ۔ اوپارے کہ دنیا کشمیر اٹی زالبول آتا استحصال ءِ توننگ کن بھارت آ زور شاغے۔ شہریار آفریدی پارے کہ مقبوضہ کشمیر اٹی زالبول آک تینا چناتے جارحیت نا برخلاف جہد نا تعلیم ایترہ اوفتا داعزم ءِ بدل کننگ کن بھارت کوزہ گیر فوج عصمت دری ءِ سلہہ نا وڑاٹ کاریم اٹ اتیک۔ ساڑی آ دور انا پوسکن آ دنیا ٹی کشمیری زالبول آک پدریسہ مصائب آتا گواچی ءُ۔
