اسلام آباد۔ 08 مارچ (اے پی پی) آئی جی سندھ و آئی جی گلگت بلتستان تینا ماتحت آفیسر آتا ڈیش بورڈ انا جانچ پڑتال ءِ پورو کرینو ہرادے وزیراعظم پرفارمنس ڈیلیوری یونٹ نا کنڈآن وزیراعظم عمران خان ءِ پیش کننگانے۔ وزیراعظم پرفارمنس ڈیلیوری یونٹ آن جاری اعلامیہ نا رداٹ سندھ پولیس نا 78 وخت اس کہ گلگت بلتستان پولیس نا 20 ڈیش بورڈ انا جانچ پڑتال ءِ کننگا۔ پاکستان سیٹیزن پورٹل آ السی غاوتا جوان ازالہ ءِ کپننگ آ آئی جی سندھ انا کنڈآن 25 پولیس آفیسر آتے وارننگ لیٹر جاری کننگانے۔ آئی جی گلگت بلتستان نا کنڈآن اسہ ڈی آئی جی و اِراایس پی آن وضاحت بٹنگ انگانے۔ ایس ایس پی ڈسٹرکٹ ایسٹ کراچی، ایس ایس پی ملیر، ایس ایس پی کورنگی، ایس ایس پی شہید بے نظیر آباد، ایس ایس پی سکھر، ایس ایس پی گھوٹکی، ایس ایس پی خیرپور، ایس ایس پی نوشہروفیروز، ایس ایس پی سانگھڑ، ایس ایس پی لاڑکانہ، کشمور و جیکب آباد ءِ وارننگ لیٹر جاری کننگا۔ ایس پی شکارپور، کمبر، انویسٹی گیشن ایسٹ ون و ایس پی صدر ءِ آئی جی سندھ انا کنڈآن شاباش تننگا و آئی جی بلتستان نا کنڈآن ڈی آئی جی پولیس بلتستان رینج، ایس پی ہنزہ، ایس پی اسکردو آن وضاحت بٹنگ انگانے۔ داکان بیدس ڈی آئی جی گلگت رینج، ایس ایس پی گلگت، ایس ایس پی استور ءِ کارکڑد نا بنداو آ شاباشی تننگانے۔
