اسلام آباد۔ 08 مارچ (اے پی پی) بنجائی وزیر انسانی حق ڈاکٹر شیریں مزاری پارینے کہ زالبول آتا حق اکن ننے نئے بیرہ کانود نا کمک اٹ بلکن مائنڈ سیٹ ءِ بدل کرسا جہد کروئی ءِ۔ زالبول آتا جہانی دے انا وخت آ دوشنبے نادے آ تینا ٹویٹ اٹی اوپارے کہ پاکستان اٹ صنفی بنداو آ بیدادی، میرات نا حق انا رکھ و کاریم نا جاگہ غا زیزاریفنگ ان بابت کانود ارے ولے ننے زیزاریفنگ، بدسلوکی و امتیازی سلوک نا برخلاف تینا جہد ءِ برجاتخوئی مریک۔ دا ننا چیلنج ءِ و زالبول آتے امتیازی سلوک و بدسلوکی نا برخلاف جنگ اٹ مون آ بروئی مریک۔
