سیالکوٹ۔ 08 مارچ (اے پی پی) خصوصی کمکار وزیراعلیٰ پنجاب حوالکاری ڈاکٹر فردوس عاشق اعوان گربلا سیداں ٹی سوئی گیس انا فراوانی نا ڈٹ انا بناءِ کرے۔ داکان مست ڈاکٹر فردوس عاشق اعوان سیالکوٹ پسرور روڈ انا تفنگ و نکاسی آب انا ڈٹ آتا ہم سرجم جاچ ءِ ہلک۔ ڈاکٹر فردوس عاشق اعوان ناگربلا سیداں غا بننگ نا وخت آ جاگہ جاگہ غا پی ٹی آئی نا ورکرآک اودے جم و جوش اٹ بخیر کریرو پی ٹی آئی نا حق اٹ نعرہ خلکر۔ ڈاکٹر فردوس عاشق اعوان گربلا سیداں ٹی اڈہلوک آ جلسہ غان تران کرسا پارے کہ حلقہ نا الس تون است اٹ مہرومریبت کیوہ، سیاست اٹ بننگ نا مسخت خلق خدانا خذمت ءِ، بجلی و سوئی گیس انا فراوانی آن خلقی علاقہ غاتیٹی رہینگوک آ شاری تا زند انا آب بڑز مننگ ءِ، گربلا سیداں غان بھاز شرف رسینگا کنا اوفتے تون دنیا و آخرت نا رشتہ ءِ۔ اوپارے کہ الس نا گرج ، تکلیف و مشکل آتا جوان سماءِ۔ اوپارے کہ شونداری کاریم کس اسے آ احسان اس اف۔ الس نا او حق ءِ ہراڑکن عمران خان نا حکومت دے و نن سچا انگا است اٹ کوشست کننگ ءِ و اسٹ اسٹ کرسا غٹ ویل آتے ایسر کننگ انگ ءِ۔ اوپارے کہ پی ٹی آئی حق آٹی ءِ و کنکن دا شرف عزت و توقیر اسے آن کم اف، ای حق انا توار مریوہ۔ اوپارے کہ حلقہ ٹی شونداری کاریم تیکن فنڈ تننگ انگ ءِ۔ ڈاکٹر فردوس عاشق اعوان پارے کہ سیاسی بہروپیہ و نسل درنسل قوم ءِ غلام کروک آ ٹولہ عمران خان نا مون آ تینا جند انا فائدہ غاتیکن سلوک ءُ۔ اوپارے کہ عمران خان پروردگار نا تروک آ طاقت و ہمت اٹ ٹھگ آتون ٹکر ہلکونے۔
