اسلام آباد۔ 08 مارچ (اے پی پی) وزیر داخلہ شیخ رشید احمد اسلام آباد نا سیکٹر جی۔ 13 اٹی پولیس آ مروک آ سم کاری نا نوٹس ءِ ہلسا آئی جی اسلام آباد آن سرجم آتے بٹنگانے۔ دوشنبے نادے آ وزارت داخلہ غان جاری بیان نا رداٹ وزیر داخلہ سم کاری کروک آ دوبہ دارآتے زوت آن زوت دزگیر کننگ نا پارت کرے و زوال کروک پولیس کانسٹیبل قاسم نا نہادی جان نا زیان آ است ہسونی نا درشانی ءِ کرے۔ وزیر داخلہ شیخ رشید احمد پارے کہ ہڑتوم آ ٹھپی کارندہ غاتا جان ءِ بچفنگ کن ہروڑنا طبی آسراتی تننگے۔ اوپارے کہ دوبہ دار آک کانود نا گرفت آن بچنگ کپسہ، زوت زندان اٹی مریرہ۔ اوپارے کہ پولیس آ سم کاری شرپسندی اسے دوبہ دارآتے سخت سزا ایتنہ۔ شیخ رشید احمد واقعہ نا تینٹ جاست وپاست و آپریشن نا چاروکی ءِ کننگ اٹی ءِ۔ ڈی آئی جی آپریشن افضال کوثر واقعہ نا معائنہ ءِ کرے۔
