اسلام آباد۔ 08 مارچ (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اینو نادے راج اٹ زالبول آتا بڑزکو ہند و چندی بشخ آتیٹی اوفتا ستاکڑزوک خذمت آتا اہمیت ءِ تالان کیک، دین اسلام زالبول آتے بھلو حق اس تسنے، پاکستان نا آئین زالبول آتا حق انا ضامن ءِ۔ دوشنبے نادے آ زالبول آتا جہانی دے آ تینا ٹویٹ اٹی بنجائی وزیر سینیٹر شبلی فراز پارے کہ پاکستان نا شونداری و شونہالی ٹی زالبول آک روشنا کڑد ادا کرینو، راج ءِ مہذیب وروشن خیال کننگ کن زالبول آتے واکدار کننگ المی ءِ۔ اوپارے کہ زالبول آتے شونداری نا بریبر وارخواہی و حق انا پک فراوانی آن راج اٹ واکدار و رکھ کننگ ننا پکا عزم ءِ۔ اوپارے کہ انفورسمنٹ آف ویمن پراپرٹی رائٹس زالبول آتا میراتی حق ءِ پک کننگ اٹ کمکار جوڑ مریک۔
