پاکستانی زالبول آتا قومی شونہالی و شرف اٹ اہم ءُ کڑد اسے، پاک فوج انا سروک جنرل قمرجاوید باجوہ نا زالبول آتا جہانی دے انا وخت آ کلہو

راولپنڈی۔ 08 مارچ (اے پی پی) پاک فوج انا سروک جنرل قمر جاوید باجوہ پارینے کہ پاکستانی زالبول آتا شونہالی وشرف اٹ اہم ءُ کڑد اسے، زالبول آک چندی بشخ آتیٹی خذمت سرترسا تینے منفیر۔ پاک فوج انا شعبہ تعلقات عامہ نا ڈائریکٹر جنرل میجر جنرل افتخار بابر نا ٹویٹ نا رداٹ آرمی چیف جنرل قمر جاوید باجوہ زالبول آتا جہانی دے آ تینا کلہو اٹی زالبول آتے خراج تحسین پیش کرینے۔ اوپارے کہ پاکستانی زالبول آتا قومی شونہالی و شرف اٹ بھاز اہم ءُ کڑد اسے۔ زالبول آک چندی بشخ آتیٹی خذمت سرترسا تینے منفیر۔ اوپارے کہ کورونا نا دین انا برخلاف جنگ اٹی اہم زالبول آک اولیکو صف اٹی شریک ءُ۔ زالبول آک بے پناہ شرف نا حقدار ءُ۔