اسلام آباد۔ 08 مارچ (اے پی پی) وزیر مملکت/چیئرمین بورڈ آف انویسٹمنٹ عاطف آر بخاری پارینے کہ وزیراعظم عمران خان نا ویژن نا رداٹ خصوصی اقتصادی زون نا فعالیت نا عمل بھرمی ثابت مننگ ءِ۔ دوشنبے نادے آ ’’اے پی پی‘‘ تون خصوصی گپ وتران کرسا اوپارے کہ جہانی زرکارآک اقتصادی زون تیٹی تینا یونٹ آتا جوڑ کننگ کن گمانی ہند آتا پیدواری نا موقع ءِآسانی اٹ دوئی کننگ کیرہ۔ اوپارے کہ زرکاری بورڈ خصوصی اقتصادی زون تیٹی بنداوی گرج انا وخت آ فراوانی کن ہروڑکیک۔ اوپارے کہ بورڈ صنعتی شونداری نا ہر ریسہ ٹی زرکارآتا کمک ءِ کیک۔ سی پیک نا ارٹ میکو ریسہ نا رداٹ خصوصی اقتصادی زون فیصل آباد اٹ 53.6 ارب روپئی نا زرکاری آن صنعت کاری نا بنامسنے۔ فیصل آباد اٹی علامہ اقبال انڈسٹریل سٹی( اے آئی آئی سی) ٹی سی پیک نا ارٹ میکو ریسہ نا رداٹ 53.6 ارب روپئی نا زرکاری آن صنعت کاری بناکرینے۔ زرکاری کن 15 درخواست تروک آتا منظوری ءِ تننگانے ہراٹی اسہ چینی فرم زینگبنگ ایگریکلچر پاکستان پرائیویٹ لمیٹڈ ہم اوار ءِ ہراڈٹ آ 800 ملین روپئی نا زرکاری نا ڈٹ اس جوڑ کرینے۔ دا اقتصادی زون پاکستان نا کشت وکشار نا بشخ اٹ انقلاب اس اتیک۔ نیز سوریا اسلم پیپر پرائیویٹ لمیٹڈ دا زون اٹ 100 ملین نا زرکاری کیک۔
