گلگت۔ 08 مارچ (اے پی پی) گلگت بلتستان اسمبلی گیشتری سلاہ اٹ وزیراعظم عمران خان آ پت انا درشانی ءِ کرسا اونا حق اٹ قرارداد ءِ منظور کرے۔ قرارداد ءِ سلاہکار کانود سید سہیل عباس ایوان اٹ پیش کرے۔ قرارداد اٹ وزیراعظم عمران خان نا ولولہ انگیز سرکڑدہ ئی آ پورو پت انا درشانی ءِ کرسا اودے خراج تحسین پیش کننگانے۔ قرارداد نا متن اٹ پاننگانے کہ وزیراعظم عمران خان نا ملکی شونداری، شونہالی، امن نا بحالی، کانود و آئین نا بالادستی کن کروک آ گام گیج آتیا اودے خراج تحسین کینہ۔ داڑتون اوار اوار وزیراعظم عمران خان نا گلگت بلتستان نا شونداری، شونہالی کن کروک آ عملی گام گیج آک داجاگہ نا الس تون اونا مہرومریبت نا عملی شاہدی ءِ۔ قرارداد اٹ پاننگانے کہ وزیراعظم عمران خان نا سرکڑدہ ئی گلگت بلتستان نا حکومت داجاگہ نا الس کن اسہ روشنا آخبت نا روشنائی ءِ و شونداری، شونہالی نا دا سفر پورو جم و جوش اٹ برجاسلک۔
