بنجائی وزیر ڈٹ بندی، شونداری، اصلاحات و خصوصی گام گیج اسد عمر پمز اٹی ٹھپی مروک آ پولیس کارندہ غاتا جان پڑسی ءِ کرے

اسلام آباد۔ 08 مارچ(اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ پولیس آ سم کاری نا است ہسون واقعہ اس پیش بس،پولیس کارندہ غاک ننا رکھ اکن ڈیوٹی کیرہ۔ داخیال آتا درشانی ءِ او دوشنبے نادے آ پاکستان انسٹیٹیوٹ آف میڈیکل سائنسز اٹی تدوک آ دے پولیس آ سم کاری ٹی ٹھپی مروک آ اِراکارندہ نا جان پڑسی آن پد میڈیا تون گپ وتران کرسا کرے۔ اوپارے کہ تدوک آ دے پیش بروک آ است ہسون واقعہ ٹی اسہ کارندہ اس شہید واِرٹ ٹھپی مسر۔ اوپارے کہ ہڑتوم آ ٹھپی کارندہ غاتا حالت داسہ جوان ءِ پولیس جاست وپاست کننگ ءِ۔ دا ٹارگٹڈ ایکشن اس ئس۔ اوپارے کہ پولیس کارندہ غاک ننا رکھ اکن ڈیوٹی کیرہ۔ دوبہ دار آتے اوفتے اوفتا کروک نا سزا تننگک۔ پولیس ءِ غت تر وسیلہ مہیا کننگک۔